တပ်ႉသိုၵ်း လူင်ပွင်ၸိုင်ႈလႄႈ တပ်ႉသိုၵ်း လွတ်ႈလႅဝ်းသဝ်းၶေႃၶၢင် KIA လႆႈပဵၼ်ပၢင်တိုၵ်းၵၼ်တီႈ ဝၢၼ်ႈၼမ်ႉႁူးသေ သိုၵ်းမၢၼ်ႈ တၢႆ (3) ၵေႃႉၼႆ လႆႈၶၢဝ်ႇၼင်ႇၼႆ။

သိုၵ်းမၢၼ်ႈ ၸုမ်းၸိူဝ်းတူင်ႉၼိုင် သွၵ်ႈတဝ် ႁဵတ်းႁၢႆႉ ၵူၼ်းမိူင်း ပွတ်းႁွင်ႇ၊ ထုင်ႉမၢဝ်းၼႂ်း ဝၢၼ်ႈၼွင်ၶမ်း ဢဝ်ၶူဝ်းသိုၵ်းတႆး ပူၵ်ႉႁေႃႇဝႆႉ ငိုၼ်းလႄႈ ၶူဝ်းၶမ်းသေ ၶၢႆၸိုဝ်ႈသဵင် တပ်ႉသိုၵ်းၸိုင်ႈတႆးၼၼ်ႉ မိူဝ်ႈလဵဝ် ၶူဝ်းၶွင်တင်းသဵင်ႈ ထူပ်းႁၼ်ၶိုၼ်းယဝ်ႉၼႆ လႅင်ႇၶၢဝ်ႇ တႆးလွတ်ႈလႅဝ်း ထုင်ႉမၢဝ်း/ၵူၼ်းၼႂ်းပိုၼ်ႉတီႈ ပွင်ႇထိုင်မႃး။

ၵူၼ်းမိူင်း ၼႂ်းပိုၼ်ႉတီႈ ၸိုင်ႈတႆး ပွတ်းၸၢၼ်း၊ ၸႄႈဝဵင်းတႃၶီႈလဵၵ်း လႆႈၶၢမ်ႇတၢမ်ႇ လၢႆၸိူဝ်ႉလၢႆပိူင် သေဢမ်ႇၵႃး တၢမ်ႇဢၼ်ပၼ် ၽွၼ်းၸႃႉလႄႈ ဢၼ်ပဵၼ်တၢင်း တုၵ်ႉၶလူင် ၵူၼ်းဝၢၼ်ႈ ၵူၼ်းသူၼ် ၼၼ်ႉ ပဵၼ်လွင်ႈတီႈ ပႅတ်ႈယုၵ်းယၵ်း ၼႆယဝ်ႉ။

မိူဝ်ႈဝၼ်းထိ 15.5.2013 ၼၼ်ႉ ၽူႈၶဝ်ႈ ၵေႃႇမတီႇၸွႆႈထႅမ်ၽူႈထူပ်းၽေး၊ ဝဵင်းတၢင်ႉယၢၼ်း ၸၢႆးဢွင်ႇပႃႉ လၢတ်ႈၼႄဝႃႈ ၽူႈၵွၼ်းၸႄႈဝဵင်းတင်း ၸဝ်ႈၼႃႈတီႈၶဝ် မႃးလၢတ်ႈၶဝ်ဝႃႈ “မိူဝ်ႈလဵဝ် ပိူၼ်ႈတေဢမ်ႇ ယိုဝ်းၵၼ်ထႅင်ႈယဝ်ႉလႄႈ သူမိူဝ်းၶိုၼ်းဝၢၼ်ႈၽႂ်မၼ်းလႆႈယဝ်ႉ” ၼႆသေ ၵူၼ်းပၢႆႈၽေးသိုၵ်း ဢၼ်မႃးပိုင်ႈဢိင် ယူႇသဝ်းဝႆႉတီႈ ဝတ်ႉၵျွင်း ဢွင်ႇမင်ႇၵလႃႇ ဢွၼ်ၵၼ်ပွၵ်ႈမိူဝ်းၶိုၼ်း တင်းသဵင်ႈယဝ်ႉ ဝႃႈၼႆ။

တီႈဝဵင်းမူႇၸႄႈ၊ ယွၼ်ႉၶပ်းလူတ်ႉဝႆးလႄႈ ၵႂႃႇၽႃႇၺႃး သဝ်ၾႆးၾႃႉသေ ထိုင်တီႈ လူတ်ႉပိၼ်ႈ ၵူၼ်းလႆႈတၢင်းၸဵပ်းမၢတ်ႇႁႅင်း တၢႆႁိုဝ် ဢမ်ႇတၢႆ ပႆႇႁူႉၼႆ လႅင်ႇၶၢဝ်ႇ ၼႂ်းမိူင်း ပွင်ႇထိုင်မႃး။

မိူဝ်ႈဝၼ်းထီႉ 16/05/2013  ယၢမ်းၵၢင်ၼ်ႂ 9:00  မူင်းၼၼ်ႉ ၶွင်ႇသီႇ ဢဝ်ၶိုၼ်းၸိုင်ႈတႆး/ တပ်ႉသိုၵ်းၸိုင်ႈတႆး (RCSS/ SSA) လႆႈၸတ်းပိုတ်ႇ ပၢင်သွၼ် ၵၢၼ်သိုၵ်းၶိုၵ်ႉတွၼ်း ၼႂ်းပီႊ 2013 တီႈ ပၢင်မၢႆ 3 ငဝ်ႈၸိုင်ႈ လွႆတႆးလႅင်းၵႂႃႇ ဝႃႈၼႆ။

ဖိုင်နံပါတ် (၁)

ဖိုင်နံပါတ် (၂)